काठमाडौँ । नेपाल प्रिमियर लिग एनपीएलमा बुधबार एउटामात्र खेल हुँदैछ । आज अपरान्ह चौथो खेलमा काठमाडौँ गोर्खाज र सुदूरपश्चिम रोयल्स प्रतिस्पर्धा गर्दै छ्न ।

खेल अपरान्ह ४ बजेदेखि त्रिवि क्रिकेट मैदानको फ्लड लाइटमा हुनेछ । 

काठमाडौँको जारी लिगमा यो दोस्रो खेल हुनेछ भने सुदूरले पहिलो खेल खेल्न लागेको हो । पहिलो खेलमा काठमाडौँले साविक विजेता जनकपुर बोल्टसलाई ५ विकेटले हराएको थियो । 

काठमाडौँको कप्तानी करण केसीले गरेका छन् भने सुदूरपश्चिमको नेतृत्व दिपेन्द्र सिंह ऐरीले गरेका छन् । सुदूर साविक उपविजेता हो । 

काठमाडौँमा करणसँगै भीम सार्की, मोहम्मद आदिल आलम, शाहब आलम, बेन चाल्र्सवर्थ, गेरहार्ड इरासमस, दीपेश कँडेल, मिलिन्द कुमार, राशिद खान, जोन सिम्पसन र सन्नी पटेलजस्ता खेलाडीहरू समावेश छन्। काठमाडौँको प्रशिक्षकमा नेपाली राष्ट्रिय टिमका पूर्वप्रशिक्षक मोन्टी देशाइ रहेका छन्।

साविक उपविजेता सुदूरपश्चिम रोयल्समा दीपेन्द्रसँगै विनोद भण्डारी, अविनाश बोहरा, जोश ब्राउन, स्कट कुगेइलिन, क्रिस लिन, आरिफ शेख, हर्मित सिंह र हिम्मत महरा जस्ता प्रमुख खेलाडीहरू छन्। सुदूरपश्चिमको प्रशिक्षकमा जगत टमाटा रहेका छन्।

Leave a Reply

Your email address will not be published. Required fields are marked *