गाजामा ६० दिनका लागि युद्धविराम गर्न हमास तयार भएको छ, सो क्रममा उसले दुई चरणमा आंशिक इजरेली बन्धकहरूलाई रिहा गर्ने छ।
गाजामा युद्धविराम र बन्धक रिहाइ गर्ने सम्बन्धमा क्षेत्रीय मध्यस्थकर्ताहरूको नयाँ प्रस्तावमा हमास सहमत भएको स्रोतले बीबीसीलाई बताएको छ।
यसै वर्षको शुरूतिर संयुक्त राज्य अमेरिकाले तयार पारेको एउटा प्रस्तावमै टेकेर इजिप्ट र इजरेलले नयाँ प्रस्ताव अघि सारेका हुन्।
बन्धक छुटाउने सहमति गर्न र गाजा युद्ध अन्त्यको माग गर्दै इजरेलमा हडताल, हजारौँ मानिसको जुलुस१८ अगष्ट २०२५
सुरक्षा परिषद्को आकस्मिक बैठकमा इजरेलको चर्को आलोचना, अमेरिकाद्वारा प्रतिरक्षा११ अगष्ट २०२५
विवरणहरूमा जनाइएअनुसर इजरेलले हमासको तर्फबाट प्रतिक्रिया पाइसकेको छ, तर उसले जवाफ दिन चाहिँ बाँकी छ।
ताजा प्रस्तावअनुसार हमासले बाँकी रहेका ५० जना इजरेली बन्धकहरूमध्ये आधा जतिलाई साठी दिने युद्धविरामको अवधिमा दुई चरणमा रिहा गर्ने छ।