काठमाडौं । स्वास्थ्य मन्त्रालयकी वरिष्ठ कर्मचारी डा. संगीता कौशल मिश्रालाई स्वास्थ्य तथा जनसंख्या मन्त्रीमा नियुक्त गरिएको छ।
प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले आइतबार उनलाई मन्त्री पदमा नियुक्त गरेका हुन्।
मिश्रा लामो समयदेखि स्वास्थ्य प्रशासनमा कार्यरत रहँदै आएकी अनुभवी अधिकारी हुन्। प्रदीप पौडेल स्वास्थ्य मन्त्री हुँदा उनी मन्त्रालयकी अतिरिक्त सचिव थिइन्।
स्वास्थ्य सचिव पदको प्रतिस्पर्धामा रहँदा तत्कालीन सरकारको बढुवा निर्णयमा समावेश हुन नसकेपछि उनले आफूलाई “मधेसी महिला भएकै कारण पदबाट वञ्चित गरिएको” भन्दै सार्वजनिक रूपमा आवाज उठाएकी थिइन्।