काठमाडौँ — फेसबुकको माउ कम्पनी मेटा सरकारले नेपाल सरकारसँग सम्पर्क गरेको छ। बिहीबार सञ्चार तथा सूचना प्रविधिमन्त्री पृथ्वीसुब्बा गुरुङको अध्यक्षतामा बसेको बैठकले सूचीकरण नभएका २६ वटा सामाजिक सञ्जालमा प्रतिबन्ध लगाएसँगै मेटा सरकारले मन्त्रालयसँग सम्पर्कमा आएको हो।
मेटाले सञ्चारमन्त्री गुरुङका आईटी सल्लाहकार डा. शालिग्राम पराजुलीसँग सम्पर्क गरी सूचीकरणका लागि आवश्यक डकुमेन्ट माग गरेको थियो। मन्त्रालयका प्रवक्ता गजेन्द्रकुमार ठाकुरले टेकपानासँग पुष्टि गर्दै भने, “हो, मेटाको सिंगापुरस्थित कार्यालयका प्रतिनिधिले मन्त्रीज्यूका आईटी सल्लाहकारलाई सम्पर्क गरेर आवश्यक कागजात माग गरेको छ। त्यसपछि हामीले आधिकारिक रूपमा आवश्यक डकुमेन्टसहितको विवरण मेटाको सिंगापुरका प्रतिनिधिलाई पठाइसकेका छौँ।”
प्रवक्ता ठाकुरका अनुसार, मेटाले आवश्यक डकुमेन्टसहित मन्त्रालयलाई निवेदन पठाएमा सूचीकरण प्रक्रिया अघि बढ्नेछ। उनले थपे, “हामीले पठाएका डकुमेन्ट र कागजात मेटाले निवेदनसहित दर्ता गरे तुरुन्तै प्रतिबन्ध फुकुवा हुनेछ। तर, हालका लागि लगाइएको प्रतिबन्ध तत्काल खुल्ने छैन।”