बैतडी । बैतडीको डिलासैनि गाउँपालिका–५ मा नवनिर्मित वडा कार्यालय उद्योग, वाणिज्य तथा आपूर्ति मन्त्री दामोदर भण्डारीको प्रमुख आतिथ्यतामा भव्य समारोहका बीच उद्घाटन गरिएको छ ।
समारोहमा सुदूरपश्चिम प्रदेशका भौतिक पूर्वाधार विकास मन्त्री सुरेन्द्रबहादुर पाल, गाउँपालिका अध्यक्ष सन्तोष जोशीसहित विभिन्न जनप्रतिनिधि, स्थानीय नेता तथा सर्वसाधारणको उपस्थिति रहेको थियो ।
उद्घाटन कार्यक्रममा मन्त्री भण्डारीले स्थानीय तहका संरचना निर्माण र सञ्चालन जनताको पहुँच र सेवा प्रवाहलाई सहज बनाउन महत्वपूर्ण भएको बताए । उनले गाउँस्तरमै सुशासन र विकासलाई प्रभावकारी बनाउन सरकार प्रतिबद्ध रहेको बताए ।