धनगढी, कार्तिक २। एन.सि.एफ. नेपाल सुदूरपश्चिम प्रदेश युवा विभागको आयोजनामा यही कार्तिक ४ देखि ६ गतेसम्म “७औं सुदूरपश्चिम प्रदेश आत्मिक युवा सम्मेलन” कंचनपुर, पुनर्वास ११ डाेकेबजारसस्थित  आशिष चर्चमा हुने भएको छ।

आयोजकका अनुसार तीन दिने सम्मेलनमा सुदूरपश्चिमका विभिन्न मण्डलीहरूबाट ४ सय जना युवाको सहभागिता रहने अपेक्षा गरिएको छ।
कार्यक्रमले युवाबीच आत्मिक एकता, नेतृत्व विकास, विश्वासमा दृढता र राष्ट्रप्रतिको उत्तरदायित्वबोध अभिवृद्धि गर्ने उद्देश्य लिएको छ।

सम्मेलनमा आत्मिक शिक्षा, स्तुति–आराधना, युवा नेतृत्व विकास, हाजिर जवाफ, टालेन्टसो र सुसमाचारमा युवाहरूको भुमिका सम्बन्धी सत्रहरू  सञ्चालन गरिने बताइएको छ।

आयोजक समितिले सम्मेलनलाई भव्य र व्यवस्थित ढंगले सम्पन्न गर्न तयारी तीव्र रूपमा अघि बढाएको जनाएको छ।

आशिष चर्चले, चर्च भवनसहित म्युजिक सिस्टम स्थल  र अन्य आवश्यक पूर्वाधारहरू उपलब्ध गराउने भएको छ। आयोजकले आशिष चर्च परिवारले विगतदेखि नै प्रदान गर्दै आएको निरन्तर सहयोग र साथप्रति आभार व्यक्त गरेको छ।

युवा विभागले प्रदेशभरका मण्डलीहरूलाई आफ्ना युवाहरूको नाम अनलाइन फारममार्फत दर्ता प्रक्रिया पूरा गर्न आग्रह गरेको छ।

विगतका सम्मेलनहरूमा युवाहरूको उत्साहजनक सहभागिता र आत्मिक प्रभाव देखिएकाले यस वर्षको सम्मेलनलाई अझ आकर्षक, प्रेरणादायी र आशिषमय  बनाउन तयारी भइरहेको आयोजकले जनाएको छ।

आयोजक समितिले  सुदुरपश्चिम प्रदेशका सम्पूर्ण मण्डली, युवाहरुलाई यो आत्मिक सम्मेलनमा सहभागी भई प्रभुको वचनबाट आशीष प्राप्त गर्न र उत्साहित हुन अनुरोध गरेको छ।

Leave a Reply

Your email address will not be published. Required fields are marked *