कैलाली कारागारमा दुई समूहबीच झडप भएको छ। झडपमा एक जनाको मृत्यु भएको छ भने ४७ जना घाइते भएका छन्।
तीन जनाको अवस्था गम्भीर रहेको बताइएको छ । एक जनाको आइसीयुमा उपचार भैरहेको छ ।
मृत्यु हुनेमा ४० वर्षीय भरत चौधरीको रहेको प्रहरीले जनाएको छ। कारागारको ए र बी ब्लकमा रहेका कैदीबन्दीबीच कुटाकुट भएको थियो ।
आफन्तहरुले पनि घाइते भेट्न पाएका छैनन् । उनीहरुले घाइते भेट्न पाउनु पर्ने बताएका छन् । मिडियालाई पनि अस्पतालभित्र जान दिइएको छैन ।
केहीको टाउको फुटेको छ । केहीको खुट्टा भाँचिएको छ । घाइते भएका ४७ जना कैदीबन्दीलाई अस्पताल भर्ना गरिएकाे छ ।
यसअघि बिहीबार पनि कैलाली कारागारमा झडप भएको थियो।
